Jólin sjálfur.

Ahhh.... mikið er nú gott að jólin séu bara einu sinni á ári. Ef að jólin væru oftar, væri ég sjálfsagt akfeitur og tannlaus, slík er græðgin í nammið og matinn.

Jamm, Nú tekur önnur geðveiki við, sem felst í því að kaupa sem mest af stórhættulegum flugeldum, það er slegið met í flugeldasölu á hverju ári.

Svo í Janúar byrja útsölurnar á þeim varningi sem ekki seldist um jólin og þarf frá að hverfa fyrir nýjustu og heitustu vörum.

Í Febrúar er svo þorrablót um allar trissur, með tilheyrandi fylleríi og skemmdum mat.

Í Mars, þá er ekki mikið að gerast, nema kannski að maður geti farið í vélsleðaferðir og skíði, ef nægur er snjórinn.

Í Apríl koma páskarnir, oftast, stundum í Mars, og byrjað er að ferma unglingana, sem flestir vilja dýrar gjafir.

Í Maí eru einnig fermingar og fólk byrjar að dytta að húsunum sínum, mála, taka til í garðinum, helluleggja o.s.frv.

Júní og Júlí eru mánuðir ferðalagana, með tilheyrandi kostnaði.

Ágúst er mánuður verslunarmannahelgarinnar, með ferða-áfengis og samlokukostnaði.

September, þá eru skólarnir byrjaðir, með skóladóts og bókakaupum.

Október er bjórmánuðurinn mikli, Airwaveshátíðin og Jólaauglýsingarnar hjá IKEA byrja.

Nóvember er litli jólamánuðurinn, auglýsingar farnar að dembast inn í fjölmiðla og byrjað að skreyta.

Desember, já, þið eruð að upplifa hann, þarf ekki frekari útskýringa.

Jamm, það er hægt að eyða peningunum í ýmislegt yfir árið, ef viljinn er fyrir hendi og nóg hægt að gera. Það á ekki að vera hægt að láta sér leiðast Íslandi, nema kannski það að fara í bankann og borga Visareikninginn.

Gleðilegt nýtt ár!

Jóhólin, jóhólin allstaðar. Með jólakertin og gjafirnar.

Já, og allan matinn og konfektið. Ég ætla sko að éta fullt um jólin. Jabb, alveg upp í kok og vera svo fluttur upp á bráðamóttöku og láta dæla upp úr mér og liggja þar með sprungið milta, fram í miðjan Janúar. Blóm og kransar eru vinsamlegast afþakkaðir, komið bara með lifrarpylsu og beikon, ef þið viljið færa mér eitthvað á sjúkrahúsið.

Ég segi bara "Gleðileg jól og takk fyrir árið, þið sem eruð nær og fjær."

Feitimúli

Jæja, þá er loksins búið að birta þetta í Íslam í dag, þar sem ég spilaði með vinkonu minni, henni Alex. 17.des, stöð2 ,veftíví. Spólið þangað til þið sjáið mig, ég er með bassa hangandi á mér.

Góðar stundir

 

Já já

Þetta er búinn að vera ágætis helgi. Föstudagurinn byrjaði með því að fara í vinnu, eins og venjulega, í sirka 300 m/s. Ég keyrði niður Ármúlann, þar sem að fyrirtækið sem ég vinn hjá er til húsa. Ég held ég hafi sjaldan verið jafn smeykur á ævi minni. Rafkaup strengir fyrir hver jól upp skilti, yfir götuna, með 4 vírum. Það mætti mér eins og það langaði til að slitna af festingunum og eyðileggja litla jeppann minn. Það sveiflaðist þarna yfir götunni, og minnti einna helst á hungraða T-rex risaeðlu sem hafði ekki fengið að borða í marga mánuði, en það hélt, sem betur fer.

Vinnudagurinn var frekar rólegur, ekki fleiri orð um það.

Svo var nú kominn tími til að halda upp í útvarpshús, þar sem hljómsveitin stórgóða Múgsefjun myndi leika fyrir landsmenn og einn dana, í beinni útsendingu. Við hófum þar leikinn rétt uppúr 15:00, og svei mér þá ef að hann Björn vinur minn Jónsson hefur ekki náð að móðga einhverja ellilífeyrisþega með því að segja að hann væri á leið í "Hjólagöngugrindar partí til kanarí um jólin" Spilamennskan heppnaðist mjög vel, að mínu mati. Þið getið hlustað á afraksturinn á ruv.is ,vefútvarp rás 2 14. des smellið á poppland og spólið þangað til það eru sirka 25% eftir af þættinum.

Laugardagurinn gekk líka ágætlega fyrir sig, fyrir utan skelfilegan hausverk fram eftir degi. Ég held að það að labba í gegnum Kringlunna, í gegnum allskyns mannalyktir og klið hafi ekki góð áhrif á mig. Skellti mér í ammli hjá honum Birni gítarleikara í Múgsefjunini, þar sem þemað var yfirvaraskegg. Merkilegt hvað þau geta verið fyndinn, sérstaklega þegar fólk reynir að spjalla við mann á alvarlegu nótunum. Ég held ekki fókusi, ég er alltof upptekinn við að fylgjast með hreyfingu mottunar. Já yfirvaraskegg, þau eru nú fyndinn, hahaha!

Já, nú er komið að nýrri vinnuviku á morgun,sem er síðasta vinnuvika fyrir jól og hlakka ég mikið til jólanna.

Hafið það gott, dúllurnar mínar og verið góð við jólaköttinn.

Ferðalag!

Já, nú skal haldið í ferðalag. Við drengirnir í Múgsefjun, erum að fara til popplands á morgun. Við munum spila þar ljúfa tóna,fyrir bændur sem og gröfumenni. Kl 15:00 Allir að hlusta!!!

Popcorn

Á meðan ég er búinn að vera lasinn seinustu daga, þá er ég búinn að vera að skoða youtube, svoldið mikið.

Lag sem heitir "Popcorn" er alveg einstaklega skemmtilegt. Það er reyndar til í rosalega mörgum útgáfum. Tvær fyrstu útgáfurnar finnst mér skemmtilegastar. Fyrsta er orginallinn og svo kemur þekktasta útgáfan með, Hot Butter. Síðan hafa margir reynt að gera þetta meira kúl og töff, en einhvernveginn finnst mér það ekki virka. Hvað finnst ykkur?

Tjekkið á þessu og segið mér hvað ykkur finnst um þessar útgáfur.

1. Orginallinn.                             http://youtube.com/watch?v=OSRCemf2JHc

2. Hot Butter útgáfan.                http://youtube.com/watch?v=9N4ckFN96-k&feature=related

3. Tölvuleikjaútgáfan.                 http://youtube.com/watch?v=4Mw-XkalHUg&feature=related

4. Eurothrashútgáfan.                http://youtube.com/watch?v=CDqnq_Qb-kE&feature=related

5. Ljótuhálvitaútgáfan.               http://youtube.com/whttp://youtube.com/watch? 

6. Pólskaútgáfan.                       http://youtube.com/watch?v=6adB9VxEsms&feature=related

7. Þaðhaldaalliraðþettasékraftwerkútgáfansemerbaravitleysaþvíaðkraftwerkhafaaldreigefiðþettaútútgáfan

                                                   http://youtube.com/watch?v=Vl3mKIoZgFQ&feature=related

Þetta er ekki tæmandi listi.

Það hefur reyndar verið gerðar flottar coverútgáfur af sumum orginölum, sem eru miklu betur heppnaðir heldur en upphaflegu útgáfunar. T.d. All Along The Watchtower, sem Hendrix gerði miklu betur en Dylan og svo Smashing Pumkins með Never Let Me Down, cover af Depeche Mode.

Í Popcorn tilvikinu finnst mér orginallinn standa sig best og Hot Butter útgáfan. Hvað finnst ykkur?

Djö......

Mér líður eins og 85 kg af hori, inní hitapoka. Þetta er alveg að drepa mig. Það sem heldur mér á lífi í gegnum þetta eru þær fréttir sem ég fékk í dag, ÉG NÁÐI PRÓFUNUM, og er ég glaður yfir því

Smá skilaboð til Guffans míns: Ég veit ekki hvenær þeir sýna þetta dót í sjónvarpinu, ég læt þig alveg pottþétt vita.

Ég ætla að halda áfram að vera veikur, ef að ykkur sé sama!

Jólaflensan í ár....

Ég er kominn með jólaflensuna. Þetta er ógeðslegt helvíti. Mikið roslega er ég feginn að eiga tölvu, hljóðfæri og nóg af DVD, til þess að hafa eitthvað að gera, milli þess að snýta mér og hnerra, já og nóg af klósettpappír. 

Ekki er það meira í bili. Ég ætla að halda áfram að vorkenna sjálfum mér.

Ef einhver á góða flensusögu til að segja mér, þá ekki skrifa hana hérna, því það er örugglega lygasaga.

Góðar stundir, þið sem eruð heilbrigð :)

Góðan dag.

Jább, hér er ég, ekki langt síðan vaknaður drengurinn, eftir spilerí næturinnar á Dubliner. Þetta var var alveg ágætis helgi, nema hvað að ég komst að því að maður getur dottið aðeins úr spilaformi eftir 1 1/2 mánuð í fríi frá harkspileríi. Föstudagskvöldið var svona WD-40 kvöld, þar sem þurfti aðeins að taka ryðið af fingrunum og Laugardagskvöldið endaði með blöðrum á puttunum, sem hefur ekki gerst held ég í hartnær 4 ár, slík var spilagreddan.

Egill vinur minn Rafnsson, sem oftast er kenndur við Sign, spilaði með okkur Swissurum af miklum móð, ekki var það leiðinlegt, enda held ég þéttasti trommuleikari Íslandssögunnar þar á ferð.

Ingvar Valgeirsson spurði mig á Föstudagskvöldið hvort ég vildi ekki vera hi-hat megin við trommusettið þessa helgina, sem hefði þýtt að ég hefði þurft að vera fullafólksmegin "Ekki séns" sagði ég, enda fékk Ingvar seinna meir ælu yfir gítarinn frá ógæfukonu. Ingvar, þetta var með viljanum gert, ég borgaði konunni fyrir æluna og hún ældi fyrir allan peninginn.

Tryggvi unglingur kom og söng með okkur drengjunum, Bergur gestaði og Andri Geir Ísfirðingur einnig. Sem sagt alveg ágætis helgi. fyrir utan það að Olli rót klikkaði á að spila sig til blóðs, ég held að ég hafi verið aðeins nær því en hann.

Guffi minn, andi þinn sveif yfir Dubbanum í gær. Ég hlakka alveg rosalega til að sjá þig í Febrúar, ertu ekki örugglega búinn að negla blótið góða?

Ekki er það meira í bili, já já. Veriði sæl.

 

Sjónvarpið á morgun.

Jú, ég er á leiðinni í sjónvarpið á morgun, nánar tiltekið í Íslam í dag, þar sem ég mun leika undir hjá þýskum rithöfundi sem heitir Alex og er kona. Þetta kemur í beinu framhaldi af minni fyrstu reynslu sem session bassaleikari. Í haust fór ég nebbnilega í risastóran dótakassa sem er kallaður sundlaugin og er í eigu álfa, sem allir kalla sig sama kvennmannsnafninu"Sigurrós" og spilaði þar inn ein 12 lög,sem seinna verða gefin út á plötu eða disk eða mp3 eða m4u eða snældu eða bara alls ekki. Allavegana er ég ásamt Halldóri Gunnari, gítarkalli frá Flateyri, Ingvari Alfreðssyni, afsprengi meðlims úr hinni geðþekku hljómsveit KAN frá Bolungarvík og Óskari, hann spilar á trommur.

Já, þessir vestfirðingadjöflar troða sér allstaðar að, meira að segja gæti orðið að því að við höldum til Þýskalands í tónleikaferð og kynningar á þessari skífu. (Vestfirðingar með drykkjulæti á germönskum pöbb? Það endar bara á einn veg........... sjómann)

Jamm, ég hlakka til að sjá útkomuna, en þar sem ég er ekki áskrifandi af Stöð2, þar sem það er einfaldlega allt of dýrt og tímasóun, þá bið ég einhvern góðan aðila um að taka þetta upp fyrir mig á VHS snældu og gefa hana til FL-Group,þar sem þeir eiga í einhverju basli, greyið strákarnir þurfa á þessu að halda. Einhver sem býður sig fram?

ps. Teddi, ertu sáttur við þessa lengd á bloggi?